Վիրուսային հեպատիտի բուժման նոր սխեմաներ

Մարտի 21-23-ին Մոսկվայում կայացավ  «Հեպատոլոգիան այսօր» XVI գիտաժողովը, որին ներկա էին Ռուսաստանի ավելի քան հազար մասնագետներ, ինչպես նաև մասնագետներ Բելառուսից, Ղազախստանից, Ադրբեջանից, Ուզբեկստանից, ԱՄՆ-ից, Ֆրանսիայից և այլն: Գիտաժողովին քննարկվեց հեպատիտ В-ի և С-ի բուժման լավ հայտնի փորձը և նոր դեղամիջոցների օգտագործման հեռանկարները, որոնք հայտնի են STAT-C գործակալներ անունով:

Այս պլանում մեծ հետաքրքրություն առաջացրեց Ռոշ ընկերության սիմպոզիումը՝ «Վիրուսային qրոնիկ հեպատիտ՝ XXI դարի նոր դեկադա», որը նվիրված էր В և С քրոնիկական հեպատիտների թերապիային:

Պրոֆեսոր Կ. Վ. Ժդանովի խոսքերով՝ քրոնիկական հեպատիտ В-ով հիվանդների մոտ HbsAg-ի բացահայտումը կարող է դառնալ պեգիլիրավորված ինտերֆերոնների թերապիայի արդյունավետության վաղ գնահատականի նոր մարկեր: HBV ԴՆԹ-ի աստիճանի մոնիթորինգի հետ համակցությունում HbsAg-ի քանակական բացահայտումն այսօր թերապիայի արդյունավետության կանխատեսման առավել տեղեկատվական մեթոդ է ինչպես HbeAg-բացասական, այնպես էլ HbeAg-դրական քրոնիկական հիվանդների մոտ:

Ներկայումս այս երկու ցուցիչների հիման վրա մշակվել են հաստատուն պատասխանի կանխատեսման  ալգորիթմեր, որոնք հնարավորություն են տալիս ալֆա-2а պեգիլիրավորված ինտերֆերոնի կիրառումը հեպատիտ В-ով քրոնիկական հիվանդների մոտ մաքսիմալ արդյունավետությամբ: ալֆա-2а պեգիլիրավորված ինտերֆերոնը հեպատիտ  В-ով քրոնիկական հիվանդների մոտ՝ վիրուսային պատասխանի առկայության դեպքում, հանգեցնում է հաստատուն իմունային կառավարման և վիրուսի վերացման, այսինքն՝ կլինիկական առողջացման: Ժդանովը նշում է նաև, որ այդ հիմնավորում է ինտերֆերոնաթերապիայի կիրառումը հեպատիտ В-ով քրոնիկական հիվանդների մոտ առաջին գծում:

Գիտաժողովի ժամանակ  հատուկ ուշադրություն է դարձվել քրոնիկական հեպատիտի եռակի թերապիայի վրա, ինչն իր արտացոլումը գտավ Դաղստանի բժշկական ակադեմիայի պրոֆեսոր Ս. Ն. Մամաևայի զեկույցում: Մասնավորապես, նշված էր, որ հատուկ հետաքրքրություն են ներկայացնում HCV առաջին հեպատիտով հիվանդների եռակի թերապիան: Եռակի թերապիան իր արդյունավետությամբ գերազանցում է պեգիլիրավորված և ռիբավիրինավորված բուժման երկակի կուրսը:

Գիտաժողովի ժամանակ ներկայացվեցին օտարերկրյա հետազոտողների հիմնավոր տվյալները հեպատիտ С-ի պրոտեազի և պոլիմերազի ինհիբիտորներով  թերապիայի արդյունավետության վերաբերյալ, մասնավորապես առաջին սերնդի պրոտեազի ինհիբիտոր Տելապրեվիրի և երկրորդ սերնդի պրոտեազի ինհիբիտոր Դանոպրեվիրի վերաբերյալ:

ԱՄՆ-ում և Եվրոպայում ամփոփվել են այս երկու հսկայական հետազոտությունների (PROVE-1 և PROVE-2) արդյունավետությունը: Հետազոտության արդյունքները ցույց տվեցին եռակի թերապիայի զգալի առավելությունը ստնադարտ ձևի նկատմամբ: Բացի այդ, տելեպրևիրի օգտագործումը հնարավոր է թույլ տա հեպատիտով հիվանդի բուժման ընթացքի կրճատում 48-ից մինչև  24 շաբաթ:

Այսպիսով. հինգ-տաս տարվա ընթացքում հնարավոր է քրոնիկական հեպատիտ С-ի բուժման զգալի առաջընթացի հասնել՝ կապված կլինիկական պրակտիկայում նոր միջոցների օգտագործման հետ, որոնք անմիջապես ճնշում են գործադրում վիրուսի վրա: Առաջիկայում այդ միջոցները կօգտագործվեն պեգիլիրավորված ինտերֆերոնի և ռաբիվիրինի հետ միասին: Սրա հետ մեկտեղ, շատ կլինիկական հետազոտություններում այս միջոցներն օգտագործվում են ալֆա-2а-ի հետ միասին:

Հարցեր, պատասխաններ, մեկնաբանություններ